Faculty of Education

Ō Mātou Tāngata

 

Rāwiri Toia

Kaihautū
Whakapiki i te Reo Pūkenga
Kaimahi Taha Whakaako, Te Kura Māori

Te Whānau o Akopai

Waea: 027 563 9741

Īmēra: address

59 Paul Crescent, Fairfield, Kirikiriroa 3214

 

Ko Rāwiri te Kaihautū o Whakapiki i te Reo ki Te Whare Wānanga o Te Ūpoko-o-Te-Ika (VUW). Ko ia e arataki ana i ngā mahi a te kāhui o VUW ki te kawe i te kaupapa ki ngā kura o ngā pūtoi kura e whā, kei Te Tai Tokerau, kei Te Tai Rāwhiti, kei Te Whanganui-a-Tara, me Te Tau Ihu. Ko te kāhui kaimahi e arahina nei e Rāwiri, e whakapau kaha ana kia tae atu he kaupapa whakapakari pouako (PLD) tuawhiti tonu ki te tī, ki te tā, ki ngā hau e whā. Kua naomia atu e tēnei kōiti o Rangapū ngā hangarau e tika ana hei whakatinana i te whāinga a Te Tāhuhu o te Mātauranga kia ‘kawea te PLD ki roto tonu i ngā kura’. Kei Kirikiriroa a Rāwiri e noho ana, e whakaoti ana i tana Tohu Paerua, Taha Mātauranga.

Ki runga ^ 

Tabitha McKenzie

Tohu Paetahi, Taha Mātauranga (Te Whakaako), Pōkairua Paerua

Kaiwhakahaere me te Kaitārai i te Kaupapa, Whakapiki i te Reo

Pūkenga

Kaimahi Taha Whakaako, Te Kura Māori

Te Whānau o Akopai

Waea: 04 463 9684

Īmēra: address

Ko Tabitha te Kaiwhakahaere o Whakapiki i te Reo, ā, e mahi tahi ana ia ki te Kura Tuatahi o Victory, i Whakatū. Ko Tabitha tētahi o ngā ringa tārai i te kaupapa. Ko ētahi o āna tino mahi, he rangahau i te kawenga ake o ngā hangarau kawekawe i roto i ngā kaupapa mātauranga me ngā kaupapa whakapakari pouako, me te whakatinana i ngā ariā, i ngā tikanga whaihua i roto i te kaupapa Whakapiki i te Reo. Ko ngā kaupapa rangahau e ngākaunuitia e ia, ko te ao mātauranga Māori me te hangarau, koia anō ētahi o ngā kaupapa o te Tohu Kairangi e kawea nei e Tabitha i tēnei wā.

Ki runga ^

 

Kahu Ropata

Pōkairua Whakaako, Pōkairua Paerua mō te Whakaako Reorua, Te Panekiretanga o Te Reo

Kaiwhakahaere

Whakapiki i te Reo

Kaimahi Kawenga Whānui, Te Kura Māori

Te Whānau o Akopai

Waea: 04 463 9666

Īmēra: address


 

Ko Kahu anō tētahi o ngā Kaiwhakahaere o Whakapiki i te Reo. E mahi tahi ana ia me ētahi o ngā kura o ngā rohe o Te Tai Tokerau me Te Tai Tonga. Ko tētahi atu o āna kawenga, ko te kohikohi, ko te whakaemi i ngā kōrero aromatawai mai i ngā kura o ngā kāhui e whā (Te Tai Tokerau, Te Tai Rāwhiti, Te Whanganui-a-Tara me Te Tau Ihu). Ko ngā kaupapa rangahau e kaingākautia ana e Kahu, ko te whakatū hauora anō i te reo Māori, ko te Rapu Mātauranga Tara ā-Whare, me ngā Mātauranga Taiao.

Ki runga ^

 

Basil Morgan

Tohu Paetahi Toi Tangata (Mātauranga, Āhuatanga Māori), Pōkairua Paerua Whakaako (Kura Tuatahi)

Kaiwhakahaere Hōtaka

Whakapiki i te Reo

Waea: 06 868 5421 (Kāinga)

Īmēra: address

11 Grafton Road, Te Hapara, Tūranga-nui-a-Kiwa 4010


 

He Kaiwhakahaere Hōtaka a Basil i roto i te kaupapa nei, i a Whakapiki i te Reo. E mahi ana ia i te taha o ētahi kura rumaki e rima i Tūranga-nui-a-Kiwa. Ko ia anō kei te whakangungu, kei te āta tautoko i ngā Kairuruku ā-Rohe me ngā Kaipoipoi Tara ā-Kura o Whakapiki i te Reo. He hanga pārekareka ki a Basil te hoahoa me te waihanga i ngā rauemi ICT e ākona ai te reo Māori i runga i ngā tikanga rumaki. Kei te whai wāhi anō te tangata nei ki ngā mahi kapa haka, ki te waka ama, ki ngā tākaro tūturu a te Māori. Kei te whakaako i ngā kapa hākinakina tamariki ki te huhua noa o ngā tākaro, tae atu ki te Kī o Rahi, ki te whutupōro pā, ki te whutupōro, ki te poitūkohu, ki te waka ama, ki te rīki.

Ki runga ^

 

Daisy Walker

Ngā Ringaringa Whakahaere

Whakapiki i te Reo

Waea: 027 563 9741

Īmēra: address

59 Paul Crescent, Fairfield, Kirikiriroa 3214


 

 

Daisy ngā ringaringa whakahaere o Whakakpiki i te Reo ki VUW. Kei raro i tōna maru ngā mahi whakahaere e tika ai te kawenga o te kaupapa ki ngā pūtoi kura e whā, ki Te Tai Tokerau, ki Te Tai Rāwhiti, ki Te Whanganui-a-Tara, me Te Tau Ihu. Ko ia tērā e mahi ana kia utua ngā nama, ko ia e tono ana i ngā rauemi hou, i ngā taputapu hou, ā, me he uiui ā ngā kura mō ngā āhuatanga pūtea, ka mātua whakapā mai rātou ki a ia. E 4 rā i te wiki e mahi ana a Daisy i tēnei mahi. Kei Kirikiriroa ia e noho ana.

Ki runga ^

Misty Ormsby

Misty Ormsby

Kairuruku ā-Rohe

Whakapiki i te Reo

Waea: 027 916 9489

Īmēra: misty.ormsby@vuw.ac.nz

Te Kura Tuatahi o Victory, Vanguard Street, Whakatū


 

 

Ko Misty te Kairuruku-ā-Rohe o Whakapiki i te Reo ki Whakatū.  Ko tana mahi kia poipoi, kia akiaki i ngā kaiako e mahi ana i ngā Kura Tuatahi o Whakatū. Nō Tauranga Moana ia, i reira ia i tipu ake, engari ināianei kei Whakatū ia e noho ana.  He kaiako hoki ia i te kuratini o NMIT, i raro i te maru o Te Ataarangi ki te Tauihu o te Waka-ā-Māui Inc. Ko ētahi mahi pārekareka ki a ia, ko te waiata, me te tunu kai.

Ki runga ^

Jennifer Rutene

Tohu Paerua Toi Tangata, Āhuatanga Māori (me te Hōnore Apa 1), Te Whare Wānanga o Tāmaki-makaurau

Kairuruku ā-Rohe

Whakapiki i te Reo

Īmēra: address

 


 

 

 

Nō te Poutū-te-rangi 2010 i tū mai ai a Jennifer hei Kairuruku ā-Rohe ki roto o Te Tai Tokerau mō tā VUW, tāna kawe i a Whakapiki i te Reo. Ko ia e āta poipoi ana i te kaupapa ki roto o Te Tai Tokerau.

I mua i tana ekenga mai ki tēnei o ngā waka, he maha ngā kaupapa whakapakari pouako i whai wāhi atu ai a Jennifer ko te reo Māori te aronga nui. Ko ia anō te Kaiwhakahaere Matua o te wāhanga Māori i Te Pou Taki Kōrero mō tētahi wā, ā, i a ia i reira, i whai wāhi ia ki ōna anō kaupapa whakapakari pouako i whakahaeretia hei tautoko i ētahi rauemi i whakaputaina mā ngā kura kaupapa Māori.

Ki runga ^

 

Mutunga Rameka

Mutunga Rameka

Kairuruku ā-Rohe

Whakapiki i te Reo

Īmēra: maorismurf@live.com

 


 

 

 

 

Ko Mutunga te Kairuruku ā-rohe o Whakapiki i te Reo ki Te Tai Tokerau. E mahi tahi ana rāua ko Jennifer Rutene ki te kawe i te kaupapa, me te whai kia pūmau tonu te tuawhiti o te kaupapa ki roto o Te Tai Tokerau. I mua atu, e mahi ana a Mutunga i te pae tuarua, i te hapori, i te pae tuatoru anō hoki o te ao whāngai mātauranga, ko te reo Māori, ko ngā tikanga me ngā mahi kapa haka āna kaupapa whakaako. Ko ētahi tino kaupapa e manakohia ana e ia, ko te kapa haka, ko te reo Māori, ko ngā tikanga, ā, me te whānau tonu.

Ki runga ^

 

Racquel McKenzie

 

Racquel McKenzie

Ngā Ringaringa Whakahaere

Whakapiki i te Reo

Kaimahi Kawenga Whānui, Te Kura Māori
Te Whānau o Akopai
Waea: 04-463 6162

Īmēra: racquel.mckenzie@vuw.ac.nz


 

 

Ko Racquel te kanohi hou o te kāhui kaimahi o Whakapiki i te Reo. Ko āna kawenga matua, kei te taha whakahaere o te kaupapa. Heoi anō, me tana tuhi kōrero anō mō te whārangi ipurangi o Whakapiki i te Reo, me ētahi rauemi mō roto i te kaupapa. He kaimahi ukiuki a Racquel, kei Pōneke e noho ana. Ko ētahi kaupapa pārekareka ki a ia, ko te ngahau tahi ki tana whānau, ki ana hoa, ko te kapa haka, ā, me te kauhoe i ōna wā anō.


 

Ki runga ^